Limak Streetball Kosova 2015
Limak Streetball Kosova 2015

Katërshja e Trepçës, Gazmend Asllani, Fikret Hanxhiç, Besnik Azemi dhe Arian Tahiri, kanë fituar turneun e Mitrovicës, në Limak Streetball Kosova.

Ekipi Vision Group ka triumfuar në Mitrovicë, duke fituar në finale ndaj Misini Sëeets, për të cilën skuadër luanin basketbollisti i Pejës Drilon Hajrizi, ish-basketbollisti i Trepçës Korab Prekazi, tashmë veterani Naim Haxha dhe ndihmës-trajneri i Trepçës Izet Tahiri.

Ekipet Vision Group dhe Misini Sweets, u takuan dy herë në turneun e Mitrovicës. Fillimisht në fazën e grupeve, aty ku triumfoi Drilon Hajrizi me shokë.

Por në ndeshjen finale, shumë të fortë dhe cilësore, tamam si një ndeshje e Superligës, ekipi i udhëhequr nga Gaz Asllani, Arian Tahiri, Fikret Hanxhiçi e Besnik Azemi, triumfoi, me shënimin e këtij të fundit, në sekondat e fundit, për 17:16.

Kështu Vision Group, i bashkohet ekipeve Che Bar, The Answer dhe NATO, skuadrave që kanë siguruar biletën për të luajtur në Superfinalen në Prizren më 18 korrik.

Limak Streetball Kosova 2015
Limak Streetball Kosova 2015

Në turneun e Mitrovicës, të dielën në arenën e njohur për Streetball “Fatime Gjaka”, morën pjesë 11 ekipe, 6 në kategorinë amatore dhe 5 në kategorinë Profi.

Si rëndom në turnetë e Streetballit, ndeshjet filluan në kategorinë amatore, me 6 ekipet që u ndanë në dy grupe, me nga tri skuadra, me dy të parat që do të kalonin në gjysmëfinale.

Limak Streetball Kosova 2015
Limak Streetball Kosova 2015

Turneun e nisën skuadrat, Ata dhe Hej! Vushtria, e si zakonisht në Mitrovicë, turneun e bëjnë interesant streetballistët me emra simpatikë, siç ishin kësaj radhe ekipet “Tan përpara, krejt përmas” dhe ekipi “Yll 123 Tarabë”.

Pas ndeshjeve në grupe, në gjysmëfinale të amatorëve arritën ekipet, Ata – Trillerat dhe Tan përpara, krejt përmas – Sport Bar.

Në finale, shkuan Ata dhe Sport Bar, ndeshje kjo e cila u përcaktua pas vazhdimeve, me ekipin Ata, që e përbënin veterani Gazmend Musliu me bashkëlojtarët, Afrim Bislimi, Blerim Syla dhe Albert Muharremi. Ekipi Ata, triumfues në kategorinë amatore do të përfaqësojnë Mitrovicën, në Superfinalen që zhvillohet më 18 korrik në Prizren.

Në kategorinë Profi, pjesëmarrës ishin 5 ekipe, me dy prej tyre të kategorisë së rëndë, pasi në përbërje të tyre kishin basketbollistë aktivë, që luajnë në Superligë.

Për shkak të 5 skuadrave pjesëmarrëse, u formua vetëm një grup, me të gjitha ekipet që do të luanin kundër njëra-tjetrës.

Limak Streetball Kosova 2015
Limak Streetball Kosova 2015

Natyrisht e tërë vëmendja ishte te dy ekipet, Misini Sweets me Drilon Hajrizin, Korab Prekazin, Naim Haxhën e Izet Tahirin dhe Vision Group me Gazmend Asllanin, Fikret Hanxhiçin, Besnik Azemin e Arian Tahiri. Ky i fundit, fitues në vitin e kaluar në Mitrovicë.

Përballja me ekipet e tjera në grup, ishte e lehtë për këto dy ekipe, ndërsa në xhiron e katërt, u përballën kundër njëra-tjetrës, në një finale para finales.

Të pranishmit në “Fatime Gjaka”, ishin të ndarë duke përkrahur dy ekipet, e basketbollistët në fushë treguan gjithçka nga kualiteti dhe aftësitë për të kënaqur tifozët e Streetballit.

Pas një takimi të niveluar, skuadra e Drilonit u shkëput në rezultat dhe triumfoi me rezultat 21:17, për ta mbyllë fazën në grupe më pas, pa asnjë humbje, me 4 fitore, tri prej të cilave të arritura para kohe.

Limak Streetball Kosova 2015
Limak Streetball Kosova 2015

Por në finale, sërish u përballën këto dy skuadra dhe këta basketbollistë, që në vitet e fundit kanë luajtur bashkë.

Përballja finale, e vërtetoi epitetin, me basketbollistët mitrovicas që luftonin si në një ndeshje të kampionatit.

Rezultati ishte i ngusht dhe i barabartë, ashtu siç ishin edhe dy ekipet.

Vision Group doli në epërsi për herë të parë pas 6 minutave lojë, 11:9, dhe e mbajti atë deri në çastet e fundit.

Çastet e fundit të finales, ishin vërtetë dramatike.

15 sekonda para fundit, pranë rezultatit 16:14, Drilon Hajrizi me një dypikësh barazon rezultatin në 16:16.
Kishin mbetur edhe 7 sekonda për sulmin e ekipit Vision Group, dhe në sekondën e fundit, para se të dëgjohej vërshëllima e fundit, Besnik Azemi shkëputet dhe shënon pikën vendimtare për 17:16, për ta vendosur fituesin, si në ndeshjet kampionale në gjithë globin, natyrisht duke shpërthyer emocionet jo vetëm te basketbollistët, por edhe te shikuesit e pranishëm në këtë turne.

Gazi, Fikreti, Besniku dhe Ariani më 18 korrik në Prizren, do të jenë një nga skuadrat favorite për çmimin kryesor të Limak Streetball Kosova 2015, çmimin “7 ditë në Turqi, dorën n’xhep pa e shti”.

Rrugëtimi i Limak Streetball Kosova 2015, vazhdon të hënën e 6 korrikut, me turneun e Gjilanit, që zhvillohet nga ora 10:00, si zakonisht në platonë para Teatrit të Qytetit.

Limak Streetball Kosova 2015
Limak Streetball Kosova 2015

DETI PËR PROFIT, KESH PËR AMATORËT        

EDHE KËTË VIT SHPËRBLIME ATRAKTIVE

Pjesëmarrësit e këtij edicioni, si zakonisht i pret ëmbëlsira në fund, shpërblimi për më të mirët.

Kampionit të “Limak Streetball Kosova 2015”,  në kategorinë profesionale, sivjet i ndahet shpërblimi simpatik “7 ditë në Turqi dorën në xhep pa e shti”, i mundësuar nga kompania “Ephesus”.

Pra, kampioni i Kosovës në kategorinë profesionale, sivjet do të fitojë një pushim “All Inclusive” në bregdetin e Antalyas në Turqi, ndërsa nënkampioni do të fitoj shpërblimin 500 euro.

Dhe kjo nuk është e tëra, ngase Shoqata e Streetballit, ka menduar edhe për amatorët apo kategorinë tjetër garuese ku, kampioni i Kosovës do të fitoj 800 euro kurse vendi i dytë 400 euro.

Pra, sivjet fondi i shpërblimeve është trefishuar në krahasim me vitin e kaluar.

Ky edicion, i Limak Streetball Kosova 2015, mbështetet nga:

Sponsori Gjeneral … Limak Kosova

Sponsorin institucional: Ministria e Kulturës Rinisë dhe Sportit të Republikës së Kosovës

Sponsorin Medial : RTV 21

Falënderojmë Ambasadën Norvegjeze e cila tash e katër vite, vazhdimisht beson në idenë e streetballit dhe është përkrahëse e rregullt.

Sponsor të Artë sivjet janë:

Hoteli më ekskluziv në Kosovë, Sëiss Diamond

HEJ ! Ipko …telefonia mobile

Dhe nga sivjet, përsëri me ne është agjencia turistike Ephesus e cila dhuron atë shpërblimin fantastik për kampionin e Kosovës “7 dit n’Turqi dorën n’xhep pa e shti”

Po ashtu institucionet që përkrahin organizimin e sivjetmë janë edhe Asociacioni i Komunave të Kosovës, Komuna e Prishtinës, si dhe Federata e Basketbollit e Kosovës

Sponsorë tjerë janë: gazeta Zëri, Megasporti, Prografi, Studio Forma, Uji Rugova, SEES dhe Papilloni

Duke i falënderuar kësaj përkrahjeje, sivjet për herë të 16-të , do të kemi  muzikë, diell dhe kënaqësi Streetballi, nëpër tërë Kosovën.

 

FIBA 3×3 (FIBA Endorsed) (shih veb faqen zyrtare)
http://www.3x3planet.com/en/event/search?page=0&tab=&SearchCriteria.Keywords=streetball+kosova+2015&SearchCriteria.CountryIso3=&SearchCriteria.Location=+)&SearchCriteria.SearchWithin=&SearchCriteria.Date=&SearchCriteria.RegistrationStatus=&SortBy=TournamentStartDateDescending

Për më shumë rreth Limak Streetball Kosova 2015 , lexo në:

http://www.kosovastreetball.org/

https://www.facebook.com/officialstreetballkosova?fref=ts

VISION GROUP, NJË “MINI TREPÇË” FITUES TË MITROVICËS